Team Khulasa

वसई: पावसाळा म्हटलं की सर्वच जण कुठे ना कुठे पावसाची मज्जा घेण्यासाठी जातच असतात मात्र मज्जा सजा कधी बनते हे कळत देखील नाही. असाच एक प्रकार कांदिवलीमधील ठाकूर व्हिलेज परिसरात मध्ये राहणाऱ्या सुनीलकुमार हरिश्रचंद्र गुप्त सोबत घडला. पावसात धबधब्यात भिजतानाच आनंद लुटताना दाखवलेली निष्काकाळजी ह्या तरुणाच्या जीवावर बेतल्याचे दिसून येत आहे.
मयत सुनीलकुमार हा शुक्रवारी आपल्या मित्रासोबत पिकनिकसाठी चिंचोटी धबधब्यावर आला होता. सुनीलकुमार हा 18 वर्षाचा असून तो त्याच्या ग्रुपसोबत पोहत होता. मात्र पोहताना पाण्याचा अंदाज न आल्याने तो वाहून गेला व त्याचा पाण्यात बुडून मृत्यू झाला.
वसई विरार महापालिकेच्या अग्निशमन दलाच्या जवानांनी सुनीलकुमार चा मृतदेह पाण्याबाहेर काढला आहे. व त्याची वसई वालीव पोलीस ठाण्यात अकस्मात मृत्यू ची नोंद करण्यात आली आहे. यामूळे जर तुम्ही कुठेही पावसाचा आनंद लुटण्यासाठी गेलात तर जीवाची पर्वा करून मज्जा करा.